كرواسا من طق طق للسلام عليكم اكيد بالصور

الادارة نقاط : 13559

السلام عليكم ورحمة الله وبركاته. بسم الله الرحمان الرحيم.

كرواسا من طق طق للسلام عليكم اكيد بالصور Dscn3912sw5

"كاس" بالغرام
http://beautymaroc.com/vb/showthread.php?t=150913

هاد الطريقة كتجي كرواسا احسن من ديال المخبزات طحت على الوصفة في واحد الكتاب قدييييم و جربتها و صدقات لي فنة .
المقادير
جوج كيسان و نصف الطحين 250g زبدة ديال بصاح ماشي مارغرين ربع كاس دالماء دافئ معلقة الخميرة الخبز معلقة صغيرة الملحة معلقة و نصف كبار السكر معلقة صغيرة الزيت المائدة كاس صغي الحليب.
الطريقة
سخني الحليب حتى يدفى مع الزيت و السكر و الملحة و حيديه من فوق البوطة و قصيه بصبعك الا كان سخون خليه يبرد شوية حتى يولي دافي من بعد زيدي الخميرة لي من قبل تكوني دوبتها مع ربع كاس الماء دافئ. في قلب القصعة او زلافة كبيرة خوي جوج كسان و نصف الطحين الفورس و خوي خليط الخميرة من الفوق و عجنيها ش 5 دقائق دريها في بلاستيكة و خليها تخمر في مكان دافئ ش ساعة او ساعة و نصف.ملي تخمر هزيها و هي باقة في قلب البلاستيكة و دخليها للثلاجة نصف ساعة. الزبدة خاصها تكون باردة يعني متجبديها من الثلجة حتى تكوني غادة تخدمي بها. قطعها طريفات صغار . ملي تبرد العجينة طلقيها على شكل مستطيل وتبعي الصور في طريقة اللف. دخليها للثلاجة و كل نصف ساعة طلقها بالمدلك و لويها ثاني ش ثلاثة المرات.
دابة ممكن تدخليها للفريكو حتى تبغيها و جبديها بليلة من الفريكو و خلها في الثلجة متخليهاش على برى. شكلها حسب الرغبة و دخليها للثلاجة تبرد هنا فين كاين السر بزاف الناس كيخلوا كرواسا تخمر على برا قبل ما تطيب و لكن السر هو الزبدة خاصها تبقى باردة باش تنفخ الكرواسا و تجي مفشفشة بحال المخبزة خليها تبرد 10 دقائق في قلب الثلاجة على ما سخن الفران مزيان جربي هاد الطريقة على حسابي ان شاء الله .
دهني باصفر البيض او الزبدة مدوبة و طيبها في فران ساخن جدا 10 دقائق و من بعد نقصي له حرارة متوسطة و خليها مازال تطيب 10 الى 15 دقيقة و تقدم بالصحة و الراحة.