لعشاق الأرز

هاد الأرز كيعجبني بزاااااااااف كنطلبو ديما ملي كنمشي لواحد المطعم وحاولت نصاوبو لكن مجانيش بحالهم حتى سولت على الطريقة وجات الطباخة بنفسها وقالت لي على سر الوصفة وملي عملتو جاني بنين بحال الي كناكلو عندهم وهاني جيت وجبت ههههههههههه ليكم الوصفة باش تعملوها وتردو عليا الخبار وبصحتكم وراحتكم مسبقا
المقادير :



كأس أرز

نصف كأس صغير زيت مائدة

حبة بصل مشلظة رقيق

حبة مطيشة مقطعة

حبة فلفلة صغيرة مقطعة

حبة جزرة مقطعة رقيق أو محكوكة

3 أوراق سيدنا موسى

2 اعواد قرفة

ملح

ابزار

ضامة البنة ديال الدجاج او حسب الذوق

2 كؤوس ماء

طريقة التحضير :

في مقلاة مكتلصقش كنعملو الزيت مع البصلة مشلظة والملح والابزار ونخليها حتى تتحمر ثم نضيف الماء الكافي فاش غادي يطيب الارز، لو عندك ماء ساخن عمليه وإلا صبيه على البصلة وخليه حتى يغلي ثم اضيفي الأرز والخضر وضامة البنة وورق سيدنا موسى والقرفة

ودابا نجيو للسر الي هو ورق الألومنيوم كتغطي المقلة بيه وتخفضي درجة الحرارة وخليه على عافية مهيييلة بزاااااااف حتى يتشرب الارز المرق او يمكن ليك تدخليه الفرن بحال الباييلا كلا الحالتين كيعطيو نفس النتيجة

وملي كيطيب وكتزولي ورق الألومنيوم يااااااااا سلااااااااااام على الريحة والمذاق كيشهيو يمكن ليك تعملي الارز بوحدو بلا خضر او تعملي قطع اللحم او الدجاج او الكروفيت في كل الحالات كيجي بنين انا جربتو بالدجاج والكروفيت طلع روووووووعة وحتى بلا بيهم يعني غير الارز والخضر كيجي غزال ووليت كنعملو مع اطباق الدجاج او السمك كطبق جانبي فهو صحي ولذيذ في نفس الوقتيلاه يا الحادكات شمرو على يديكم كيف موالفين وجربوه وردو عليا الخبار وبصحتكم وراحتكم ودابا نخليكم مع الصور
















يتبع

بارك الله فيك جزاك الله خيرا