صينية الدجاج والخضار

السلام عليكم ورحمة الله وبركاته









لي فترة ما مريت على مطبخ عبير قلت أسير اليوم ومعاي صينية غدانا



الأكلة تنفع للناس اللي ماتحب وقفة المطبخ مثلي ..




طعمها لذييييذ و ماتاخذ وقت ولا جهد وماتعبيلك المطبخ صحون وملاعق وقدور تقعدين تغسلين فيها النهار كله ..









المقادير



دجاجة



2 بصلة كبيرة



4_5 فصوص ثوم



2 فلفل رومي ملون ( أو أخضر )



4 حبات بطاطس متوسطة



2_3 قرن فلفل حار



4 حبات طماطم كبيرة ( أنا استخدمت الطماطم الصغنووون شكله أحلى )



شوية كزبرة أو بقدونس مفرومة





ملاحظة ( ممكن تحطين كوسة _ باذنجان _ جزر _ زهرة )



أنا ماحطيت لانه محد عندنا يحب الخضار فاكتفيت بالمقادير المذكورة ..




التتبيلة



( فنجان قهوة زيت نباتي _ م ص ملح _ م ص بهارات كاري _ م ص بهارات عادية _ ريحان مجفف _ م ص كركم )








الطريقة





1/ تقطعين الدجاج نصين أوأرباع وتغسلينهاكويسً و تنقعينها في ماء + ملح + خل + ليمون لمدة ساعتين أو أكثر<< عشان الزنخة تروح ..





2/ تقطعين كل الخضار قطع كبيرة ( عشان ماينهرس عليك لما يستوي ) وتدهنين الصينية بزيت وترصين فيها الخضار بهالشكل ..










3/ تصفين الدجاج من المويه .. تخلطين الزيت بكل البهارات وتدهنين فيها الدجاجه .. وتحطينها بالصينية .. وترشينها بالبقدونس المفروم ..









4/ باقي التتبيلة تحطين عليها فنجال شاي ( مويه ) وتكبينها على الخضار ( عشان ماتنشف الأكلة في الفرن ) .. وتكتمينها بالقصدير ..





5/ تدخلين الصينية في الفرن لمدة ساعة .. بعدها تشيلين القصدير وتحمرينها من فوق ..









وبآآآآس .. تنوكل بالخبز أو مع الرز الأبيض ..















هنآء وعافية